माझा आजचा विचार वैयक्तिक विचार साधना

भारत भूमी मध्ये प्रसिद्ध महाराष्ट्र
स्वराज्य साम्राज्याचे गतआदिक्षेत्र ।
नवरत्नांचा सागर प्रसिद्ध सर्वत्र
तेथे अवतरले श्री गंगाधर पुत्र।। १ ।।

जयदेव जयदेव जय जय बलवंता
कृपा कराया दीनांवरी केव्हा येता ।। ध्रु ।।
जय देव जय देव

हिंदभूमीचा हा सौभाग्य तिलक
लोकमान्य बाळ गंगाधर टिळक ।
राष्ट्र सुत्रधारी लोकनायक
भारतमातेचा हा अनंत सेवक ।। २ ।।

उठा बंधुनो सोडाआळस कर्मकरा
स्वदेशभक्ती मार्गे त्यांची कास धरा ।
बाळदास होऊनी त्यांचा मार्ग धरा
सुराज्य प्राप्ती करून त्यांना शांत करा ।। ३ ।।

आरती शब्द श्री गणेशोत्सव लोकमान्य आळी, ठाणे येथून घेतले आहेत
गणपती समोर दर वर्षी १० दिवस ही टिळकांची आरती गेली असंख्य वर्षे गायली जाते. हा सार्वजनिक गणोशोत्सव १०१ वर्षे अविरत चालू आहे